మాట ఇస్తావా నేస్తం... మాట ఇస్తావా నేస్తం
తల్లి తండ్రులు, గురువు, స్త్రీలను
కష్టపెట్టక, కింఛపరచక
భరత దేశపు భవ్య రీతిని
భద్రముగా కాపాడుతానని -- మాట ఇస్తావా
ఏళ్ళు గడచిన బతుకు మారని
ఊళ్లు తిరిగిన మెతుకు దొరకని
పేద ప్రజల కన్నీళ్ళు తుడిచి ఈ నేల
ఋణమును తీర్చుతానని -- మాట ఇస్తావా
పదవి పొందుటే పరమార్థమ్ముగా
ప్రజల సుఖమే తాకట్టు వస్తువుగ
నడి బజారున నిన్నమ్ము నేతల
నడ్డివిరిచి, గద్దె దించి
ప్రజా శక్తిని చూపుతానని -- మాట ఇస్తావా
హద్దుమీరిన అరాచకానికి
జీహాదు అంటూ పేరు పెట్టి
సరిహద్దు దాటిన తీవ్రవాదుల
గుండు గుండుకు గుండె చూపి
తన నిండు ప్రాణం ధారపోసి
నీ కంటి నిద్రకు కావలుండే
అమరవీరుల మరవబోనని -- మాట ఇస్తావా
ఎదల పాదుల మొదలు నుంచి పుట్టే
మానవత్వపు లతయే మతము
లతను పెంచి సమత పంచే
తల్లి భారతి సేద దీర్చే
పందిరిగా నేనుందునంటూ -- మాట ఇస్తావా
ఎదల పాదుల మొదలు నుంచి పుట్టే
మానవత్వపు లతయే మతము
లతను తుంచి కలత పెంచే
మేక వన్నెల చిరుతనాపగా
ముళ్ళ పొదనై నే నుందునంటూ -- మాట ఇస్తావా
(1999 లో రాసింది)
Subscribe to:
Post Comments (Atom)
2 comments:
Very nice Madhav! Keep posting :)
Feel chaala bagundi Madhav!!!!!!
Nee hrudaya udhyana vanam lo poochina oka malliya ee kavitha.
Post a Comment